Startapga yuz minglab dollar sarflab kuyib qolmaslik uchun albatta bir ishni qiling: g'oyani oldindan sinang.
Asosiy tuzoq
Startap shunchaki kimningdir muammosiga yechim bergani — bu bozorda hammaga kerak degani emas. Aynan shu yerda ko'p asoschi adashadi: o'z g'oyasiga oshiq bo'lib, uni hamma xohlaydi deb o'ylaydi.
Shuning uchun startap qilishdan oldin loyihaning to'liq texnik topshirig'i, ideologiyasi va qanday yechim berishini prezentatsiya ko'rinishiga keltiring. So'ng kuchli marketolog, biznes konsultant yoki analitik bilan maslahatlashing.
Eng to'g'ri yechim
Eng to'g'ri yo'l — biror marketolog bilan suhbatlashib, loyihani to'liq tushuntirish va bozorni analiz qilib berishini so'rash. U tashqi, xolis nigoh bilan g'oyaning bozorga mosligini baholaydi.
Imkon bo'lmasa — cust-dev qiling
Agar bunday imkon bo'lmasa, auditoriyani o'zingiz cust-dev qiling: kamida 20 ta, aynan «siz auditoriyangiz» deb hisoblayotgan inson bilan maxsus suhbat o'tkazing. Ular muammoni qanday his qiladi, hozir uni qanday yechyapti va sizning yechimingizga pul to'laydimi — shuni aniqlang.
Har holda, bir necha yuz ming dollarni fonddan yoki davlat byudjetidan olib, keyin fail qilgandan ko'ra oldindan tekshirgan yaxshiroq. Pul o'zingizniki bo'lsa ham — bu risklarni sezilarli kamaytiradi.