EVENT · PR

Event marketing va PR

Event Marketing & PR

Eng arzon ishonch — jonli uchrashuv.

Muammo

Onlayn ishonch qurish sekin. B2B'da qaror qabul qiluvchi sizni ko'rishni, savol berishni, «his qilishni» xohlaydi.

Nima kiradi

Tadbir konsepsiyasi va tashkil qilish
Auditoriya segmentatsiyasi — zalda faqat qaror qabul qiluvchilar
Xalqaro brendlar bilan hamkorlik
Tadbirdan keyin issiq lead (hot lead) bilan ishlash
Media orqali PR

Natija

$300 → 400+ lead

~400 biznes egasi, Hilton, Odoo bilan bevosita hamkorlik

3 event — 700+ ishtirokchi

Seminar (101 biznes egasi) + hakaton (200+ dasturchi) + forum (400+)

Tadbirdan lead chiqadimi yoki bu faqat imidj uchunmi?

Ikkalasi ham. Lekin darhol emas — va buni oldindan aytamiz.

IT xizmatlarida shartnoma qiymati yuqori, qaror bir necha kishidan o'tadi va oylar davom etadi. Bunday sotuvda xaridor sizni sotib olishdan oldin bir necha marta ko'rgan bo'lishi kerak. Tadbir aynan shu ko'rishlarni beradi — reklama beradigan ko'rishdan kuchliroq, chunki u shaxsiy.

Odoo Business Forum bunga aniq misol: $300 byudjet bilan Hilton'da o'tkazilgan tadbirga 400 dan ortiq biznes egasi keldi va 400+ lead to'g'ridan-to'g'ri sotuv bo'limiga tushdi.

Ishonch zinapoyasi — bitta tadbir yetmaydi

DeepVision bilan ishimiz buni yaxshi ko'rsatadi. Kompaniya noldan boshlagan edi: na brend, na mijoz, na tarix. Maqsad — bir yilda O'zbekistonda birinchi Odoo Gold Partner bo'lish.

Bitta tadbir bilan bunga erishib bo'lmaydi, shuning uchun ketma-ketlik qurdik: avval 70 ta video bilan bozorni o'rgatdik, keyin 101 kishilik seminar o'tkazdik, so'ng 400+ ishtirokchili forum, oxirida 200+ dasturchi qatnashgan hakaton. Har bir zina keyingisiga tayyorladi.

To'qqiz oyda natija: 25 ta bitim, $200 000+ aylanma, $1 124 reklama byudjeti bilan. Maqsad bajarildi — DeepVision O'zbekistonda birinchi, O'rta Osiyoda ikkinchi Odoo Gold Partner bo'ldi.

Bu raqamlar faqat tadbirning natijasi emas — kontent, PR va reklama birgalikda ishladi. Lekin ishonchni jonli uchrashuvlar mustahkamladi: eng tez bitim atigi 3 kunda yopildi, chunki mijoz allaqachon bizni ko'rgan va eshitgan edi.

Kichik kompaniyamizga forum kerakmi yoki webinar yetadimi?

Ko'pincha webinar yetadi. Bosqichma-bosqich borish arzonroq va xavfsizroq.

Webinar — eng past xarajat va eng tez ishga tushadigan format: auditoriyangiz bormi va mavzu qiziqtiradimi, shuni tekshiradi. Podkast — muntazam kontent va doimiy auditoriya, mehmonlar orqali yangi tarmoq ochiladi. Forum — eng qimmat va eng kuchli, lekin faqat oldingi ikki bosqich ishlaganidan keyin mantiqiy.

Bittadan katta forumga pul tikish o'rniga, avval kichik formatda tekshirishni tavsiya qilamiz.

Nega podkast IT bozorida ishlaydi

Auditoriyangiz murakkab mavzuni tinglashga tayyor. ERP integratsiyasi haqida 40 daqiqalik suhbat oddiy iste'molchini zeriktiradi, lekin texnik rahbarni qiziqtiradi — bu bannerda aytib bo'lmaydigan chuqurlik.

Mehmon — bu yangi tarmoq. Podkastga chaqirilgan har bir mehmon o'z auditoriyasini olib keladi va o'zi ham potensial mijoz yoki hamkorga aylanadi.

Bitta yozuvdan o'nlab material chiqadi: to'liq video, bir necha qisqa Reels, matnli post, iqtiboslar va maqola uchun asos. Shuning uchun bitta podkast aslida bir necha haftalik kontent demakdir.

Tadbir natijasini qanday o'lchaymiz

Event marketingga eng ko'p qo'yiladigan tanqid — «buni o'lchab bo'lmaydi». Bu noto'g'ri: o'lchash mumkin, faqat oldindan sozlab qo'yish kerak.

To'rt bosqichda kuzatamiz: ro'yxatdan o'tish (nechta odam qiziqdi), kelish (nechtasi qatnashdi), aloqa (tadbirdan keyin nechtasi bilan suhbat boshlandi) va sotuv (nechtasi mijozga aylandi hamda qancha vaqtda).

Har bosqich alohida yoziladi, shuning uchun «tadbir foyda berdimi» degan savolga oy oxirida taxmin bilan emas, raqam bilan javob beramiz.

Narxi

PR tashkiliy paketi$1 500

Podkast production — 3 kishilik syomka, montaj, thumbnail, YouTube$500

Kirish nuqtasi — $500: bitta podkastdan boshlab, natijaga qarab kengaytirish mumkin. Birinchi PR chiqishi yoki podkast 3–4 haftada tayyor bo'ladi, yirik forum uchun 2–3 oy tayyorgarlik kerak. PR maqola joylashtirish odatda pullik — nashrlar ro'yxati sohangizga qarab tanlanadi va taklif bosqichida har birining narxi ko'rsatiladi. To'liq marketing hamkorligi $12 000 dan boshlanadi.

Kimga mos emas

IT va texnologiyadan tashqari sohalar — biz shu bozorning tadbirlarini bilamiz: kimni chaqirish va qaysi mavzu ishlashini.
1 oyda natija kutayotganlar — birinchi chiqish 3–4 haftada bo'ladi, ta'sir esa oylar davomida to'planadi.
B2C mass-market mahsulotlar — bunday mahsulotlarga performance reklama ancha samaraliroq.

Ko’p so’raladigan savollar

Tadbirdan lead chiqadimi yoki bu faqat imidj uchunmi?

Ikkalasi ham, lekin darhol emas. Event ishonch qatlamini quradi va uzoq sotuv siklidagi xaridorni qaror tomon suradi. Odoo Business Forum'da $300 byudjet bilan 400+ lead olingan.

SMIlarga chiqish pullikmi, qaysi nashrlarga chiqara olasiz?

PR maqola joylashtirish odatda pullik. Nashrlar ro'yxati sohangizga qarab tanlanadi — ERP yechimi va mobil ilova uchun mos maydonlar boshqa-boshqa. Taklif bosqichida qaysi nashrlarga chiqishimiz va narxi aniq ko'rsatiladi.

Kichik kompaniyaga forum kerakmi yoki webinar yetadimi?

Ko'pincha webinar yetadi. Webinar → podkast → forum ketma-ketligi bilan borish arzonroq va xavfsizroq.

Podkast qancha turadi va nima kiradi?

$500. Ichida: 3 kishilik professional syomka, montaj, thumbnail va YouTube'ga joylash.

Tadbirni tashkil qilishga qancha vaqt kerak?

Birinchi PR chiqishi yoki podkast — 3–4 hafta. Yirik forum uchun 2–3 oy tayyorgarlik kerak.

Kimga

B2B

Bu xizmat sizga kerakmi?

30 daqiqada hozirgi voronkangizni ko’rib chiqamiz — aniq action plan bilan chiqasiz.

Bog’lanish