Retargeting — saytingizga kirgan, videongizni ko'rgan yoki ariza qoldirgan odamlarga qayta reklama ko'rsatish. B2B'da u yangi lid olish uchun emas, mavjud qiziqishni ishonchga aylantirish uchun ishlatiladi.
Qimmat mahsulotni birinchi ko'rishda hech kim sotib olmaydi. Odam qiziqadi, o'ylaydi, solishtiradi. Shu davrda siz uning ko'z o'ngida bo'lmasangiz, raqobatchi bo'ladi.
Qisqacha:
- Kimga: sayt mehmonlari, video ko'ruvchilar, lidlar, tadbir ishtirokchilari.
- Nima: darsliklar, keyslar, success story, VSL.
- Natija: qisqa sotuv sikli.
Retargeting B2B'da qanday natija bergan?
DeepVision'da seminar va kontent orqali yig'ilgan tadbirkorlar bazasiga YouTube darsliklarni retargeting qildik. Ekspertlik isbotlandi va sotuv sikli 3 kungacha qisqardi. Tushunishingiz uchun: ERP kabi mahsulotda "o'ylab ko'raman" davri odatda haftalab davom etadi.
Kimga retargeting qilish kerak?
Auditoriyalarni issiqlik bo'yicha ajrating:
- Video ko'rganlar — qiziqish bor, lekin hali kontakt yo'q.
- Sayt mehmonlari — mahsulot bilan tanishgan.
- Lid qoldirganlar — kontakt bor, uchrashuv hali yo'q.
- Tadbir ishtirokchilari va mijozlar bazasi — eng issiq.
Har bir guruhga boshqa kontent ko'rsatiladi.
Qanday kontent ko'rsatish kerak?
- Video ko'rganlarga — chuqurroq darslik yoki VSL.
- Sayt mehmonlariga — keys va natija.
- Lidlarga — success story va bepul audit taklifi.
- Issiq bazaga — tadbir taklifi yoki yangi mahsulot.
Retargeting'da yangi lid uchun ishlatilgan reklamani takrorlamang. Odam uni ko'rgan. Unga yangi dalil kerak.
Juda ko'pchilik qayerda xato qiladi?
Xato — retargeting'ni "bir xil reklamani 20 marta ko'rsatish"ga aylantirish. Bu bezovta qiladi va brendga zarar.
Aslida to'g'ri yo'l — ketma-ketlik: darslik → keys → success story → taklif. Har bir bosqich yangi ma'lumot beradi.
Xulosa
Xullas, retargeting — sotuvchi qo'ng'iroq qilmagan paytda ham ishlaydigan ishonch.
- Auditoriyani issiqlik bo'yicha ajrating.
- Har guruhga mos kontent tayyorlang.
- Bir xil reklamani takrorlamang.
- Retargeting ta'sirini sotuv sikli bilan o'lchang.
Retargeting tizimingizni quramiz — konsultatsiyaga yozilish.
Muallif haqida. Safarmurod Abduroziqov — AURA Digital asoschisi va rahbari. 6 yillik marketing tajribasi, 50+ IT loyiha, ~$1 mln boshqarilgan reklama budjeti. Telegram · LinkedIn
Ko'p beriladigan savollar
Retargeting nima?
Saytingizga kirgan, videongizni ko'rgan yoki ariza qoldirgan odamlarga qayta reklama ko'rsatish usuli.
B2B'da retargeting nima uchun kerak?
Uzoq qaror davrida mijoz ko'z o'ngida bo'lish va ishonchni oshirish uchun. DeepVision'da u sotuv siklini 3 kungacha qisqartirgan.
Retargeting'da qanday kontent ishlaydi?
Darsliklar, keyslar, success story va VSL — yangi dalil beradigan kontent. Bir xil reklamani takrorlash ishlamaydi.
Retargeting auditoriyasi qanday yig'iladi?
Sayt piksellari, video ko'rishlar, lid formalar va mijozlar bazasi orqali.