B2B seminar — bo'lajak mijozlarni foydali mavzu atrofida yig'ib, ekspertlikni ko'rsatish va sotuvga uchrashuv olish usuli. Qimmat mahsulotda ishonch yuzma-yuz quriladi, seminar esa buning eng arzon yo'li.
DeepVision bilan ishni aynan seminardan boshladik. Natija: 200+ lid → call center 126 kishiga qo'ng'iroq qildi → 101 kishi keldi. Shu seminardan boshlangan tizim 9 oyda kompaniyani O'zbekistondagi birinchi Odoo Gold Partner qildi.
Qisqacha:
- Mavzu — mijozning og'rig'i, mahsulotingiz emas.
- Ro'yxatdan keyin har bir odamga qo'ng'iroq.
- Seminar — voronkaning boshi, sotuv keyin.
Mavzu qanday tanlanadi?
Mavzu mijozning muammosi atrofida bo'lsin: "Biznesni qanday tizimlashtirish", "Tannarxni qanday hisoblash". "Bizning ERP taqdimoti" degan mavzuga kam odam keladi.
Seminar foydali bo'lsa, mahsulot o'zi ko'rinadi: siz muammoni tushuntirasiz, yechim yo'llarini ko'rsatasiz, va mijoz "buni kim qilib beradi?" deb so'raydi.
Ro'yxatni qanday yig'ish kerak?
Target reklama, Telegram va shaxsiy tarmoq orqali. Ro'yxat formasiga 3–5 savol qo'ying: ism, kompaniya, lavozim, soha. Bu keyingi qo'ng'iroq va sotuv uchun kerak.
Kreativ uchun murakkab video shart emas. Muhimi — aniq va'da: seminarda nimani o'rganadi va kimlar bilan tanishadi.
Nega qo'ng'iroq tashrifni hal qiladi?
Juda ko'pchilik shu yerda xato qiladi: ro'yxat yig'adi va kim kelsa keladi deb kutadi. Natija — zalning yarmi bo'sh.
Aslida to'g'ri yo'l — ro'yxatdan keyin tasdiqlash qo'ng'irog'i va seminardan bir kun oldin eslatma:
"Assalomu alaykum, siz ertangi seminarga ro'yxatdan o'tgan ekansiz. Joyingizni band qilib qo'ydik, sizni kutamiz. Kela olasizmi?"
DeepVision seminarida 126 tasdiqdan 101 kishi keldi. Odamda "meni kutishyapti" degan his paydo bo'ladi.
Seminardan keyin nima qilish kerak?
Sotuv seminar kuni emas, keyingi haftalarda bo'ladi. Har bir ishtirokchiga qayta aloqa, uchrashuv va tijorat taklifi. Shuning uchun sotuv jamoasi seminardan oldin tayyor bo'lishi kerak.
Seminardan keyin ishtirokchilar bazasiga kontent ko'rsating: YouTube darsliklar, podkastlar. DeepVision'da shu retargeting sotuv siklini 3 kungacha qisqartirgan.
Xulosa
Xullas, seminar — kichik budjetli ishonch mashinasi.
- Mavzuni mijoz og'rig'idan tanlang.
- Ro'yxat formasiga 3–5 savol qo'ying.
- Har bir ro'yxatga qo'ng'iroq qiling.
- Seminardan keyin sotuv jarayonini ishga tushiring.
To'liq tizim: B2B event marketing: 6 qadam. Seminaringizni birga rejalaymiz — konsultatsiyaga yozilish.
Muallif haqida. Safarmurod Abduroziqov — AURA Digital asoschisi va rahbari. 6 yillik marketing tajribasi, 50+ IT loyiha, ~$1 mln boshqarilgan reklama budjeti. Telegram · LinkedIn
Ko'p beriladigan savollar
B2B seminarga qancha odam keladi?
Qo'ng'iroq qilinsa — ro'yxatning katta qismi. DeepVision seminarida 200+ liddan 126 kishiga qo'ng'iroq qilingan va 101 kishi kelgan.
Seminarda mahsulotni sotish kerakmi?
Yo'q. Seminar ishonch va ekspertlik uchun; sotuv keyingi uchrashuvda, tijorat taklifi bilan bo'ladi.
Seminarga qancha oldin tayyorlanish kerak?
Kichik seminar uchun 3–4 hafta yetarli: mavzu, joy, ro'yxat va tasdiqlash qo'ng'iroqlari.
Seminar onlayn bo'lsa bo'ladimi?
Bo'ladi, lekin B2B'da oflayn seminar ishonchni kuchliroq quradi. Qimmat mahsulotda yuzma-yuz uchrashuv afzal.