Filtr-forma — potensial mijozdan bir nechta savolga javob so'raydigan, ataylab «og'ir» qilingan forma. Uning maqsadi oddiy formadan teskari: leadlar sonini ko'paytirish emas, kamaytirish — sotuv bo'limiga faqat real muammosi va byudjeti bor odamni o'tkazish.
Har bir qo'shimcha savol — filtr. Qiziqib turgan yoki tasodifan bosgan odam formani oxirigacha to'ldirmaydi; real xaridor esa to'ldiradi. Natijada lead narxi (CPL) ko'tariladi, lekin lead sifati keskin oshadi.
Nechta savol va nima so'raladi
Odatda 7-10 savol yetarli. Ular to'rt narsani tekshiradi: muammo hozir bormi, byudjet darajasi qanaqa, qaror qabul qiluvchi kimligi va yechim qachon kerak. Parking24'da 10 savolli forma CPL'ni ~$10 ga chiqardi, lekin leadlarning 90% sotuvga tayyor bo'ldi.